Ирақта осы күнге дейін 5 Германия азаматы жоғалып, оның үшеуі аман босатылды

БЕРЛИН: Ирақта 2 неміс азаматы хабар-ошарсыз жоғалды. Бүгін Германияның сыртқы істер министрі Франк-Вальтер Штайнмайэр осы 2 азаматтың 1 аптаға жуық хабарсыз кеткенін және оларды кісі ұрлаушылардың да алып кетуі мүмкін екенін мәлімдеді. Осыған дейін Ирақта 3 неміс - кісі ұрлаушылардың қолында болып, 2 неміс инженері 100 күндей бойы тұтқында отырып, өткен мамыр айында, ал үшінші неміс – 3 апта бойы тұтқында болып, 2005-інші жылдың желтоқсанын айында аман-есен босатылған болатын.