Эстония парламенті Таллиннің орталығындағы Совет солдатына қойылған ескерткішті орнынан ауыстыру туралы заң қабылдады

Заңды қолдап 46 депутат дауыс берсе, 44 депутат қарсы болған. Аталған заңға Эстония президенті екі аптаның барысында қол қойса, ол бір айдың ішінде күшіне енеді. Егер заң күшіне енсе, Таллиннді гитлерлік армиядан азат еткен Совет әскеріне қойылған қола ескерткіш басқа жаққа көшірілетін болады. Ресей осы заңның қабылдануына қарсы болып, бұндай әрекет өткен тарихты масқаралау деп атаған еді.