Зимбабвенің билеуші партиясы келесі жылы өтетін президент сайлауына қазіргі президент Роберт Мугабені ұсынды

83-жасар Роберт Мугабе Зимбабвені 27 жыл басқарып келеді. Зимбабве 1980 жылы тәуелсіздік алып, Британиядан бөлініп шыққан. Роберт Мугабе саяси қарсыластарын аяусыз езгіге салады деп айтылады. Мәселен, оппозиция осы наурыз айында наразылық жиынын өткізгенде полиция жұртты тарқатып жіберді, оппозиция басшысы Роберт Чангирей соққыға жығылып, ауруханадан бір-ақ шықты.