Қазақстан "Бургас-Александрополис" мұнайқұбыржолы жобасына қатысуға ниет танытты

Кеше Баку қаласында сөйлеген Қазақстан энергетика министрі Бақтықожа Ізмұхамбетов Ресей үкіметі қолдап отырған жобаға үлес қосуды ойлаймыз, акцияларын сатып алу жөнінде келіссөз бастадық деді. "Бургас-Александрополис" мұнайқұбыржолы арқылы мұнай Оңтүстік-Шығыс Еуропаға шығарылмақ. Ресей үкіметі жобаны АҚШ үкіметі демеп отырған "Баку-Тбилиси-Жейхан" құбыржолына балама ретінде алға тартады.