ПАРИЖ: Бүгін Францияда Жак Ширактың орнына жаңа президент сайлануға тиіс. Бастапқы мәлімет бойынша, сайлаушылардың көпшілігі оңшыл саясаткер Николя Саркозиді қолдайды, Социалистік партияның үміткері Сеголен Руяль одан сәл қалып келеді. Әлеуметтанушылар миллиондаған сайлаушының әлі кімге дауыс берерін білмей отырғанын атап көрсетеді. Сол себепті де сайлаудың бүгінгі - бірінші сатысы күтпеген нәтиже беруі де мүмкін. Әсіре оңшыл – ұтшыл саясаткер Жан-Мари Ли Пен мен центрист Франсуа Байрудың да екінші турға өту мүмкіндігі бар.
