Қырғызстандағы АҚШ жауынгерлерінің “дипломатиялық иммунитеті” бар

БІШКЕК: Қырғызстандағы бейбіт азаматты атып өлтірген АҚШ жауынгері, ресми Бішкектің оны қырғыз тергеушілеріне беруді талап етуіне қарамастан, үйіне аттандырылды. Бірақ, бүгін осы жайында хабарлаған Бішкектегі АҚШ елшісі Мэри Йовановичтің мәлімдегеніндей, “Манас” әуе жайындағы АҚШ-тың соғыс базасында өткен желтоқсан айында қырғыз азаматын атып өлтірген Америка жауынгері Закари Хэтфильдке қарсы тергеу жалғаса береді. АҚШ-тың соғыс базасындағы әскерилердің дипломатиялық иммунитеті бар көрінеді.