Әлем елдерінің басшылары Николя Саркозидің Франция президенті болып сайланғанына байланысты өз пікірлерін білдірді

Орта оңшыл бағыттағы саясаткер Николя Саркози мамырдың 6-сында өткен сайлаулардың екінші буынында социалист Сиголен Руаяльдан басым түсіп, 53 пайыз қолдау дауыспен жеңіске жетті. Еуроодақ басшылары Саркозиді құттықтады, ал АҚШ президенті Джордж Буш Саркозимен бірге жұмыс істеуді асыға күтетінін айтты. Түркия премьер-министрі Реджеп Тайып Ердоған Саркози Түркияның Еуроодаққа мүше болуына байланысты өз қарсылығын жұмсартады деп сенеміз, деді.