Т.Блэр мен М.Қаддафи Ұлыбритания мен Ливияның қарым-қатынасын “қайта жаңғыртты”

СИРТЕ: Британ премьер-министрі Тони Блэр Ливия президенті, полковник Му’аммар Қаддафимен келіссөзінен кейін, мұнайға бай Ливиямен арадағы қарым-қатынасының “толық қайта жаңғыруын” ыстық ықыласпен қабылдады. Үкімет басынан кетуіне 1 айдай қалған кезінде Африканың 3 мемлекетіне сапарға шыққан Т.Блэр теңіз жағалауындағы Сирте қаласында бүгін Ливия лидерімен келіссөз өткізіп, оны “оңтайлы да үйлесімді келіссөз болды” деп бағалады. Сондай-ақ Ливия ағылшындардың ВР мұнай компаниясымен арада шикізат барлау туралы 900 млн. долларлық келісімге қол қоятынын хабарлады.