ОШ: “Азаттық” Радиосының жергілікті тілшілері бүгін таңертең Қырғызстанның оңтүстігіндегі Ош қаласында жарылыс болғанын хабарлады. Жарылыс бірнеше тәуелсіз газеттің редакциясы орналасқан 3 қабатты ғимараттың соңғы қабатында болған. Тәуелсіз басылымдардың екеуі осы қабатта орналасқан көрінеді. Жарылыстың қандай салдары болғаны туралы әзірше хабар жоқ. Біздің тілшіміз Қубаныш Жолдошевтің хабарлауынша, милиция сол маңайдан күдік туғызған әйелдерді ұстады.
