Түркияның Ирақтың солтүстігіне өз әскерін аттандыруына АҚШ түбегейлі қарсы

СИНГАПУР: АҚШ-тың қорғаныс министрі Роберт Гейтс Түркияны елдегі күрдтердің Жұмысшы партиясының көтерілісшілері паналаған Ирақтың солтүстік аудандарына өз әскерін аттандырмауға шақырды. Қауіпсіздік проблемасы бойынша конференция өтіп жатқан Сингапурда журналистердің алдында Р.Гейтс Ирақ шекарасы аумағында Түркияның өз бетінше әрекет етуіне АҚШ-тың түпкілікті қарсы екенін мәлімдеді. Түркия тәуелсіз Күрдістан құруды аңсаған күрд сепаратистеріне қарсы Ирақпен арадағы шекара аумағына қосымша әскерін шоғырландырды.