Кабул ресми Вашингтоннан қосымша соғыс техникасы мен қару-жарақ сұрайды

КАБУЛ: Ауғанстан АҚШ-тан қорғаныс саласына қосымша көмек беруін сұрайды. Ауғанстанның ұлттық армиясының бас қолбасшысы Бисмилла Хан атап көрсеткендей, ресми Кабул тәліптерге өз күшімен тойтарыс беру үшін жаңа қару-жарақ мен соғыс техникасын сұрайды және ауған армиясын жаттықтыруды жеделдетуді өтінеді. Бас қолбасшысының мәлімдеуінше, Ауғанстанның меншікті соғыс авиациясының болмауы – “айтарлықтай проблема” болып отыр. АҚШ-тың қорғаныс министрі Р.Гейтс бүгін Кабулда сапарда жүр.