Махмұд Аббас Хамаспен ешқандай келіссөздер жүргізгісі келмейді

Өткен аптада Аббастың жақтастарына Батыс жағалуды қалдырып, Газа секторын өз бақылауына алған Хамас ұйымымен ешбір келіссөздер болуы мүмкін емес дейді Палестина автономиясының президенті Махмұд Аббас. Теледидардан берілген сөзінде Аббас Хамас исламдық ұйымын төңкеріс жасап, Газа секторында жеке мемлекет орнатпақшы болды деп айыптап, мұдай әрекеттер палестиндіктердің тәуелсіз ел болу жолындағы үмітіне балта шабады деп атап көрсетті. Ол сондай-ақ Хамас тобын мамыр айында Газа секторына бармақ болған сапарында өзіне қарсы қастандық жасамақшы болды деп айыптады.