НАТО бас хатшысы Ресей президентімен кездесті

НАТО бас хатшысы Яап Де Хооп Схеффер НАТО мен Ресей арасындағы қарым-қатынастарды жұмсартуға шақырды. Бұл туралы Де Хооп Схеффер Мәскеуде Ресей президенті Владимир Путин және Ресей сыртқы істер министрі Сергей Лавровпен өткізген келіссөздерінен кейін айтты. Бұдан бұрын президент Путин егер Вашингтон зымыраннан қорғаныс жүйесіне қатысты жоспарын іске асырса, онда Ресей өз зымырандарын Еуропаға көздейтін болады деп мәлімдеген болатын. Путиннің мұндай мәлімдемесіне дипломатиялық қарым-қатынастарда орын жоқ, деді НАТО-ның бас хатшысы.