ЛОНДОН: Т.Блэрдің өкілі хабарлағандай, ағылшын үкіметінің басынан кеткен Т.Блэр өзінің Таяу Шығыстағы бейбіт келісімге дәнекер болған “квартеттің” арнаулы өкілі болып тағайындалуы мүмкіндігін Ресей президенті В.Путинмен “өте үйлесімді” түрде талқылады. Осы хабарға қарағанда, АҚШ пен БҰҰ Т.Блэрдің “өкіл” болуын қолдайды, ал Ресей болса сабырлық танытып келген. Бүгін парламентте сөйлеген ақырғы сөзінде Т.Блэр Израиль мен Палестинаны бітімге жеткізуді өзінің “бірден-бір басты міндеті болатынын” деп атап көрсетті.
