Велоспорттан “Астана” клубының тағы бір мүшесінен “қан допингі” аңғарылды

БЕРН: Велоспорттан “Астана” клубының мүшесі Андрей Кашечкиннен допингке қатысты алынған сынақ “оң” нәтиже берді. Велошабандоздың қанынан “қан допингі” немесе қан құюдың ізі аңғарылды. Көп күн жалғасатын әйгілі “Тур де Франс” жарысының барысында “Астана” клубының лидері Александр Винокуровтың қанынан да дәл осындай “қан допингі” аңғарылып, “Астана” клубы “Тур де Франс” турнирінен шығып кетуге мәжбүр болған еді.