"Эндевоур" америкалық кемесінің жылыту жүйесіне зақым келіпті

Бұл жайында НАСА америкалық ғарыш агенттігі жариялады. Шаттл үлгісіндегі кеме Халықаралық ғарыш станциясымен кеше түйісті. Дегенмен, "Эндевоур" кемесі жерден көтерілгенде жанар-жағармай бөлімінің сыртынан мұз сынықтары түскен. Бұдан жылу изоляциясына нұқсан келді деген жорамал бар. Кеменің сыртында шамамен 19 шаршы сантиметр тесік бар делінеді. Ақауды жою жолдары қарастырылып жатыр.