ИСЛАМАБАД: Пәкістан президенті П.Мушарраф қарулы күштердің бас қолбасшысы лауазымындағы өзінің “мұрагерін” тағайындады. Ол лауазымға барлау қызметінің бұрынғы басшысы, генерал Ашфак Кияни отырды. П.Мушарраф екінші мерзімге қайта сайланатын болса, армия басшылығынан кететінін алдын-ала жариялаған болатын. Ол алдағы президент сайлауына өзін ұсынып үлгерді және жеңіске жететініне күмән келтірмейді. Бірақ оның қайта сайлауына қарсылық білдіру мақсатымен Пәкістан парламентінің 80-нен астам депутаты мандаттарынан бас тартты.
