Тұтқындалған бұрынғы Грузия қорғаныс министрі кепілдікпен босатылады

Грузияның бұрынғы қорғаныс министрі президент Михаил Саакашвилиге байланысты айтқан айыптарын қайтарып алды. Иракли Окруашвили президент Саакашвилиді беделді кәсіпкерді өлтіруге бұйрық берді деп айыптаған болатын. Бүгін теледидардан сөйлеген сөзінде бұрынғы министр Окруашвили өткен айдағы мәлімдемемді мен “саяси ұпай жинау үшін” жасаған едім деді. Сол мәлімдемесінен кейін Окруашвили “жемқорлықпен айналысты” деген айыппен қамауға алынған болатын. Прокурорлар Окруашвили енді кепілдікпен босатылады дейді.