Сидней Олимпиадасында бес медал алған америкалық спортшы допинг қабылдағанын мойындады

2000 жылы Сидней Олимпиадасында бес медал алған америкалық спортшы Мерион Джоунс допинг қабылдағанын мойындады, осы медалдарын қайтарды. Мәселе жұма күні Нью-Йорк сотында түпкілікті шешілді. Спринтер Мерион Джоунс допинг қабылдағанын жылдар бойы жоққа шығарса да, осы жолы мойындады, Сидней Олимпиадасының алдында допинг дәрісін ішкенін растады. Осылайша ол Сидней Олимпиадасында үш алтын медал мен екі қола медалды заңсыз алғанын мойындады, өтірік айтқаны үшін кешірім сұрады, спорт жарыстарына енді қатыспайтын болды.