Пәкістан оппозициясының басшысы Беназир Бхутто үй қамауына алынды

Исламабад полициясының бастығы бұл қауіпсіздік сақтау мақсатында жасалып отыр деп сипаттады. Беназирдің жақтаушылары үйінің маңында наразылық танытты. Беназир Бхутто Равалпинди қаласында бүгін үлкен митинг өткізбек еді, оппозиция елде төтенше жағдай тәртібінің орнатылғанына наразы. Равалпинди қаласында Беназирдің 200 шақты жақтаушысы жиналды, полиция оларды таратып жіберді, ондаған адам қамауға алынды. Пәкістан президенті Перуез Мұшарраф парламент сайлауы 15 ақпанның алдында өткізіледі деп жариялады.