КАБУЛ: Ауғанстанның оңтүстігіндегі Гильменд облысында тәліптерге қарсы ірі соғыс қимылы басталды. Кеше НАТО-ның басқаруына қарайтын халықаралық күштердің басшылығы хабарлағандай, халықаралық күштер ауған армиясымен бірге осыдан 10 ай бұрын тәліптер басып алған Мұсақала қаласын босатып алмақшы. Соғыс операциясының жай-жапсары хабарланбады. Мұсақаланы ақпан айында басып алған тәліптер жергілікті полицияны қарусыздандырып, ақсақалдар кеңесін таратып жіберді.
