НАТО басшысы Ауғанстанға Жапония көбірек үлес қосады деп сенеді

Бас хатшы Яп де Хуп Скефер Ауғанстандағы қайта қалпына келтіру ісіне Жапония көбірек атсалысады, деп сенетінін бүгін айтты. Мұнда 3 күндік сапарда жүрген Скефер сондай-ақ Үнді мұхитында лаңкестердің алдын кесу ісінде, теңіз қызметі бойынша, Жапония үлесінің маңыздылығын баса айтты. АҚШ-тың бастауындағы ол қызметте Жапонияның міндеті қарауылда жүрген кемелерді отынмен және сумен қамтамасыз ету еді.