Пәкістан президенті елдегі Төтенше жағдайды бүгін алып тастады

Бұл қадам қаңтардың 8-іне елде белгіленген парламенттік сайлау алдында орын алып отыр. Осыдан алты апта бұрын Первез Мушарраф елге төтенше жағдай енгізіп, Конституцияны тоқтатып тастаған болатын. Бұған орай елдегі және әлемдік наразылық күшейе түскен еді. Қазан айындағы, дау-дамайға толы, президенттікке қайта сайлануына Жоғарғы сот қарсы үкім шығармасын деп, Мушарраф төтенше жағдайды алып тастап отыр, дейді сарапшылар.