МӘСКЕУ: Ресейдің әскери теңіз флоты бүгін жаңа құрлықаралық баллистикалық соғыс зымыранын сынақтан сәтті өткізгенін хабарлады. Әскери флот өкілінің хабарлауынша, “Синева” деп аталатын зымыран Баренц теңізіндегі атомдық сүңгуір қайықтан ұшырылып, Камчатка түбегіндегі нысанды жойды. “Синева” зымыраны – құрлықаралық баллистикалық зымырандардың “үшінші ұрпағы” болып табылады. Ресейдің стратегиялық ядролық күштерін 2030-ыншы жылға қарай толығымен осындай зымырандармен жарақтау жоспарланып отыр.
