Ресми Қабул ирандық шекарашылардың ауғандықтарды өлтіргеніне наразылық танытты

Бүгін Ауғаныстан Сыртқы істер министрі Иранмен шекара маңында ирандық күштердің ауғандықтарды өлтіргеніне наразылық танытты. Ресми Қабул Иранның өкілетті өкілін шақырып алып, дүйсенбі күні Ауғаныстанның Нимроз провинциясына жақын жерде орын алған қанды оқиғаға байланысты алаңдаушылығын білдірді. Ауған билігінің айтуынша, бір айдан аз уақытта ирандық күштердің ауғандықтарды өлтіру оқиғасы осымен екінші рет болып отыр.