Қытайдағы зілзаладан қаза тапқандардың саны өсе түсуде

Қытайдың мемлекеттік бұқаралық ақпарат құралының хабарлауынша, Сичуан өлкесінде орын алған зілзаладан қаза тапқандардың саны 19500-ден асқан. Ал оның алдында жарияланған ресми мәліметтерге қарағанда, жер сілкінісі салдарынан 15 мың адам құрбан болған. Ресмилердің айтуынша, құтқару жұмыстары одан әрі жалғасуда. Дүйсенбі күні орын алған ол зілзаладан шамамен 10 миллион адам тікелей зардап шеккен.