Чех республикасы Косовоны тәуелсіз мемлекет ретінде мойындады

Чехия сыртқы істер министрлігінің хабарлауынша, Косовомен дипломатиялық қарым-қатынас жасау жөніндегі ұсынысты үкімет мақұлдаған. Америка Құрама Штаттары мен Еуропа Одағының көптеген мемлекеті ақпанның 17-сінде Сербиядан өз тәуелсіздігін жариялаған Косовоны мойындаған болатын. Ал Сербия мен оның одақтасы Ресей Косовоның тәуелсіздігіне қарсылық танытқан.