“Газпром” мен Иран түсіністік туралы құжатқа қол қойды

Ресейдің “Газпром” компаниясы мен Иранның ұлттық мұнай компаниясы түсіністік туралы меморандумға қол қойды. “Газпром” өкілдерінің айтуынша, бұл құжаттың шарттарын іске асыру мақсатында бірлескен жұмыс тобы құрылатын болады. Алексей Миллер жетекшілігіндегі “Газпром” делегациясы өткен аптада Иранға сапар жасап, Теһранда Иранның мұнай министрі Ғолам Хоссейн Нозари және тағы басқа ресмилермен кездескен болатын.