Шығыс Қазақстан облысы Қатон-Қарағай ауданындағы ұлттық саябақтың орман алқабы соңғы төрт күн бойы өртеніп жатыр, деп хабарлады Қазақстанның Төтенше жағдайлар жөніндегі министрлігінің баспасөз қызметі. Өрт болып жатқан жерден небары 8 шақырымда осы облыстағы әйгілі «Рахманов бұлақтары» шипажайы орналасқан. Тамыздың 8-інде тұтанған от қазіргі уақытқа дейін 560 га астам жердегі ағаш-тоғайды жалмаған.
