Жаңа ақпарат агенттігі жұмысын бастады

Қазақстанда «ҚазТАГ» деп аталатын жаңа ақпарат агенттігі құрылды. Бүгін Алматыда тұсаукесерін өткізген агенттіктің құрылтайшылары – Қазақстан Журналистер Одағы мен Қазақстанның Ұлттық баспасөз клубы. Аталған екі қоғамдық ұйымдардың жетекшісі Сейтқазы Матаевтың айтуынша, агенттік елдің барлық аймақтарында болып жатқан жаңалық хабарларды электронды пошта арқылы ақылы негізде жолдап тұрмақ. Жаңа агенттіктің саясаты - бейтараптық, теңгерімді және жан-жақты тұрғыда жазылған ақпаратты тұтынушыға жеткізу болып табылады, деді «ҚазТАГ» агенттігінің директоры Ирина Бектиярова.