Сенаттың бүгін өткен жалпы отырысында депутаттар «Ұжымдық қауіпсіздік туралы шарт ұйымына мүше мемлекеттерге агрессия қатері туындаған немесе агрессия актісі жасалған жағдайларда әскери-техникалық көмек көрсету тетігі туралы хаттаманы ратификациялау туралы» заңды қабылдады.
Аталған келісім БҰҰ Жарғысының 51-бабына сәйкес, Ұжымдық қауіпсіздік туралы шарт ұйымына мүше мемлекеттерге агрессия қатері туындаған немесе агрессия актісі жасалған жағдайларда әскери-техникалық көмек көрсетудің шарттары мен тәртібін анықтайды, — деді ҚР Қорғаныс министрінің орынбасары Азамат Ойнаров.
