Бангкок бас әуежайын босату қарастырылуда

Тай полициясы әуежайға жиналған мыңдаған шерушілерді тарқауға шақырды. Бес адамнан көп кісінің жиналуына тиым салынуда. Бағынбағандар түрмеге жабылмақшы. Шерушілер тарқаудан бас тартуда. Бангкокта үкіметке қарсы шерушілер халықаралық басты әуе жай мен ішкі әуе жай қатынастарын өткен аптада тоқтатқызған болатын. Елудей шеруші сенбі күні үкімет басшысы ғимаратында болған жарылыстан жараланған екен. Шерушілер үкімет басшысын қызметтен кетіру үшін ол ғимаратты тамыздан бері басып алып, шықпай отыр. Жүз мыңдай турист қазір Тайландтан шыға алмауда.