АҚШ мемлекеттік хатшысы Кондолиза Райс Мумбайда болған өткен аптадағы лаңкестік шабуылды “жантүршігерлік” деп сипаттап, ондай әрекеттерге енді қайтып жол беруге болмайды деді. Бұл мәлімдемесін Райс Исламабадқа сапары кезінде жасады. Пәкістан үкіметі де лаңкестікпен күресте осы көзқарасты ұстанып отырғанын айтты. Райс бір күн бұрын Нью Делиде Үндістан басшыларымен кездескен болатын.
