Мәжіліс заң жобасын мақұлдады

Мәжіліс депутаттары бүгін өткен жалпы отырыста «Ұлттық әл-ауқат қоры туралы» заң жобасын мақұлдады. Бұл заң жобасы ҚР президентінің 2008 жылғы 13 қазандағы «Ұлттық экономиканың бәсекеге қабілеттілігі мен тұрақтылығын қамтамасыз ету жөніндегі кейбір шаралар туралы» жарлығын іске асыру шеңберінде әзірленген

Заң жобасында аталмыш қор мәртебесінің, оны ұйымдастыру мен қызметінің ерекшеліктері айқындалады. Ұлттық әл-ауқатты қамтамасыз ету мақсатында аталған қорға бірқатар ерекше өкілеттіктер беріледі.