Ресей Владикавказдағы кісі өліміне қатысты 9 адамға айып тақты

Ресей прокурорлары Солтүстік Осетия аймағында жергілікті ресмилердің өліміне қатысты 9 адамға күдік келтіріп отыр. Бас прокуратураның тергеу комитеті хабарлағандай, 9 адамнан құрылған қылмыстық топтың мүшелері Владикавказ қаласының мэрі Виталий Караев пен оның алдындағы басшы Казбек Пагиевтің өліміне жауапты болып отыр. Тергеу комитетінің бұл мәлімдемесінде қалалық ресмилерді өлтіруге не себеп болғаны айтылмаған, дегенмен қылмыстық топтың 3 мүшесі қамауда отыр, қалған 6-уына іздеу жарияланды делінген.