Пәкістанда НАТО жүк машиналарына өрт қойылды

Пәкістандағы Талибан бүлікшілері деп күдіктелгендер Ауғанстандағы НАТО күштеріне азық-түлік пен жабдықтар алып бара жатқан 20 жүк машинасына өрт қойды. Бұл соңғы айлардағы ең ірі шабуыл болып отыр. Полицияның мәлімдеуінше, жүк машиналары түнде Пешауар қаласының сыртындағы бір бекетте тоқтап тұрған кезде шабуылдаушылар өрт қойыпты. Бүлікшілер оқ атып, екі күзетшіні жаралады деп хабарланып отыр.