Әскердегі жемқорлықпен күресетін штаб құрылады

ҚР Бас прокуратурасы баспасөз қызметінің хабарлауынша, Қазақстанның әскери прокуратурасының жанынан әскердегі сыбайлас жемқорлықпен күрес жөнінде арнаулы штаб құрылады.

Баспасөз қызметінің мәліметінше, әскердегі жемқорлық деректерін зерттеу мен әшкерелеуге бағытталған штаб құру туралы шешім қабылданған. Штаб жұмысы әскерге қажетті техника мен қару-жарақтарды мемлекеттік сатып алу кезіндегі жемқорлыққа жол бермеуді көздейді.