Путин АҚШ-ты сауда шектеулерін жоюға шақырды

Ресей премьер-министрі Владимир Путин АҚШ-тың Еуропада зымыраннан қорғаныс жүйесін орнату жоспарынан бас тарту жөніндегі шешімін мадақтады. Бірақ Вашингтон байланыстарды нығайту үшін тағы басқа әрекет жасауы тиіс деді Путин.

Қара теңіздегі Сочи курортында инвесторлардың форумында сөйлеген сөзінде Путин президент Барак Обаманың шешімі дұрыс әрі батыл болды деп атап көрсетті. Путиннің мәлімдеуінше, Мәскеу сондай-ақ АҚШ екіжақты саудаға байланысты шектеулерді алып тастап, Ресей мен Беларусь және Қазақстанның Дүниежүзілік сауда ұйымына бірлескен блок ретінде мүше болуына ұмтылысын қолдайды деп үміттенеді.