Ашхабад пен Баку Каспий шекарасын талқылайды

Түркменстан энергия көзіне бай Каспий теңізінің даулы аймағы бойынша Әзірбайжанмен келісімін қайта бастамақшы.

Ашхабадтағы шетелдік журналистерге айтқанында президент Гурбангулы Бердімұхамедов түркмен-әзірбайжан ресмилері бұл мәселе бойынша келіссөздерін жалғастыратын болады, бірақ Ашхабад бұл даулы мәселені халықаралық арбитраж сотына шығаруға дайындалған деді.

Осы жылдың басында Ашхабад пен Баку су асты энергия ресурстарын иеленуде бір келісімге келу жөнінде келіссөздер бастаған.

Олардың басты келіспеушілігі - Әзірбайжанның дамыту жұмыстарын бастап кеткен Каспийдің орталық аймағындағы даулы мұнай кеніштеріне байланысты болды.