Обама Қытайға сапарын аяқтауда

Барак Обама АҚШ президенті ретінде Қытайға алғашқы сапарын аяқтап отыр. Бүгін ол Оңтүстік Кореяға барады.

Обама Бейжіңде Қытай премьер-министрі Уен Жибаомен кездесті. Журналистердің алдында сөйлеген сөзінде Обама мен Жибао екі ел арасындағы әріптестікті дамытуға бағытталған әрекеттерді мадақтады. Келіссөздерден кейін ресми мәлімдеме жасалмады.

Сейсенбі күні Бейжіңде кездескен Қытай президенті Ху Цзиньтао мен АҚШ президенті Барак Обама әлемнің ең өзекті мәселелерін шешуде бірлесе жұмыс істеуге келісті.