Ақтаудағы базардан өрт шықты

Сәрсенбі күні кешке Маңғыстау облысының орталығында орналасқан базар өртенді деп хабарлады төтенше жағдайлар жөніндегі министрлік.

Тілсіз жау базардағы халық тұтынатын тауарлар сататын алты сауда нүктесін шарпыған. Базар аумағынан 40-қа жуық кісі шығарылды. Өрттен ешкім зардап шекпеген.

Министрліктің ақпаратында базардағы өрттің тұтануына не себеп болғандығы туралы ештеңе айтылмайды.