Байқоңырдан ұшырылған «Союз» экипажды орбитаға шығарды

Байқоңыр ғарыш айлағынан дүйсенбі күні түнде ұшырылған «Союз» зымыран тасығышы "Союз" ғарыш кемесін экипажымен бірге орбитаға алып шықты.

«Союз» бортында үш ғарышкер: кеме командирі ресейлік Олег Котов және екі борт инженер – жапон Соити Ногути мен американдық Тимоти Кример бар.

Ғарыш кемесі сәрсенбі күні түнде Халықаралық ғарыш станциясымен түйседі деп жоспарланған.