Қытай компьютерлік шабуылдарды жоққа шығарды

Қытай биілігі компьютерлік шабуылдарға қатысымыз жоқ деп мәлімдеді. Ақпараттық технология министрлігінің айтуынша, бұл айыптаулар "негізсіз".

Қытайдың мемлекеттік кеңесі Бейжіңнің интернетке қатысты цензурасы заңды деп, басқа тараптарды Қытайдың ішкі істеріне араласпауға шақырды.

Интернет-қызметінің ірі провайдері Google компаниясы Қытайдағы жұмысын тоқтатуы мүмкін екендігін ескерткен болатын. Компания өзінің мұндай қадамын Қытайдағы адам құқығын қорғаушылардың электрондық поштасын бұзу әрекетімен байланыстырады. АҚШ мемлекеттік хатшысы Хиллари Клинтон Қытайды компьютерлік шабуылдарды зерттеуге шақырды.