Саудабаев пен Лавров Астанада кездесті

Ресей сыртқы істер министрі Сергей Лавров бүгін Астанада қазақстандық әріптесі Еуропадағы қауіпсіздік және ынтымақтастық ұйымының қазіргі төрағасы Қанат Саудабаевпен кездесті. Кездесу барысында екі ел арасындағы ынтымақтастық пен Қазақстанның ЕҚЫҰ-на төрағалығы сондай-ақ Ауғанстандағы қауіпсіздік пен Каспий теңізінің мәртебесіне қатысты мәселелер талқыланды деп хабарланып отыр.

Осыдан бір апта бұрын Қазақстан президенті Нұрсұлтан Назарбаев Мәскеуге жұмыс сапарымен барып, Ресей президенті Дмитрий Медведевпен және премьер-министр Владимир Путинмен кездескен болатын.