Тәліптер Ауғанстан билігін сөз еркіндігін бұзғаны үшін айыптады

«Талибан» қозғалысының өкілдері Ауғанстан билігінің террорлық акт тіркелген жерден тікелей эфирге теле-радиорепортаждар таратуға тыйым салу туралы шешімін сынға алды. Олар мұны БАҚ еркіндігін өрескел бұзу деп есептейді.

Билік бұл тыйымды содырлар тікелей эфирде берілген ақпаратты өз мақсатында пайдаланып кетпес үшін енгізді.

«Талибан» қозғалысы басқарған жылдары елде телевидение және кинотеатрларға тыйым салынған болатын.