АҚШ бас прокуроры: Күдік тағылған адам елден қашып кетпекші болды

Бас прокурор Эрик Холдердің мәлімдеуінше, Нью-Йорктегі Таймс-скверде көлікті жармақшы болды деген күдікпен ұсталған азамат елден қашып кетпекші болған. АҚШ билік орындары Дубайға ұшып кетпекші болған күдіктіні Нью-Йорктің Джон Кеннеди әуежайында тұтқындаған. Қамауға алынған күдікті Пәкістанда туған Файсал Шахзад есімді АҚШ азаматы деп хабарлады Холдер.

Тергеу ісі жүріп жатыр, сенбі күнгі болуы мүмкін лаңкестік әрекеттің мақсаты американдықтарды өлтіру болғандығы анық деп атап көрсетті бас прокурор.