Accessibility links

Польшадағы президент сайлауына 10 үміткер түседі


Польшада президент сайлауында дауысқа түсу үшін 10 үміткер тіркелді. Барлығы да тіркелуге қажетті 100 мың қол жинап тапсырды. Жергілікті тілшіміздің хабарлауынша, қаза тапқан поляк президенті Лех Качинскийдің егіз туған сыңары – Ярослав бәрінен де көп – 1.7 миллион дауыс жинады.

Президенттің міндетін уақытша атқарушы Бронислав Коморовскийдің сайлау штабының бастығы Славомир Новак өзінің бәсекелесін көп қол жинауымен құттықтады. Сауалнамаға қарағанда, президент сайлауының қарсаңында Коморовский алда келеді. Бірақ оның штабы 2 есе кем – 770 мың қол жинады.

Польшадағы президент сайлауы 20 маусымда өтеді. Качинский мен Коморовскийден басқа солшыл күштердің үміткері Гжегож Наперальский 10 пайыздан астам дауыс жинауы мүмкін.
XS
SM
MD
LG