Accessibility links

Алматы облысында 38 үй су астында қалды


Алматы облысында Қаратал өзенінің жағалау бөгеті жарылды, деп хабарлайды Қазақстанның Төтенше жағдай министрлігінің баспасөз қызметі.

Ақпаратқа сәйкес, 31 мамырда сағат 12.10-да Талдықорған көпірінің шығыс жағынан 600 метр жерде Қаратал өзенінің жағалау бөгетіі жарылды. Соның салдарынан Еркін ауылында Құрманғазы көшесіндегі - 12 үй, Берліқожанов көшесіндегі - 14 үй, Сүлеев көшесіндегі - 6 үй, Жеңіс көшесіндегі 6 үйді су басып қалды.

"Сағат 20.00-дегі жағдай бойынша су алу қаупі жойылып, үйлердің аулаларынан суды сорғызып алу және жағалауды бекіту жұмыстары аяқталды. Құрбан болғандар мен қаза тапқандар жоқ", - деп хабарланды министрлік баспасөз қызметінен.

Айта кету керек, Қаратал өзенінің ені 30-40 метрді құрайды.

AzattyqTV

Жаһан жаңалықтары

Жээнбеков кім?

XS
SM
MD
LG