Ауғанстан мен Пәкістан министрлері Түркияда кездеспек

Ауғанстан мен Пәкістан сыртқы істер министрлері алдағы аптада Стамбулда келіссөз өткізеді. Түркия сыртқы істер министрлігінің хабарлауынша, Залмай Расул мен Шах Мехмуд Қуреши дүйсенбі күні түркиялық әріптесі Ахмет Давутоғлумен кездеседі.

НАТО-ға мүше Түркия 2007 жылдан бері Ауғанстан мен Пәкістанды исламшыл бүлікшілермен күресте ынтымақтасуға шақырып келеді.