Accessibility links

Обама Жапонияның жаңа премьерімен сөйлесті


АҚШ президенті Барак Обама мен Жапония премьер-министрі Наото Кан телефон арқылы сөйлесті. Жапония ақпарат құралдарының хабарлауынша, 15 минутқа жалғасқан әңгіме барысында Обама жұма күні елдің жаңа премьері болып сайланған Канды құттықтаған. Обаманың мәлімдеуінше, екі ел тепе-тең серіктестік негізіндегі ынтымақтастықты нығайтуы тиіс. Өз кезегінде Кан осы айда Канадада өтетін "Үлкен сегіздік" пен "Үлкен жиырмалық" топтарының саммиті барысында Обамамен кездесуді асыға күтетінін айтқан.

Жапонияның бұрынғы премьер-министрі Юкио Хатояма АҚШ базасына қатысты дауға орай қызметінен бас тартқан болатын.

Обама мен Кан жапон жеріндегі АҚШ базасының басқа жерге көшірілуі жөніндегі Хатояма үкіметі қол жеткізген келісімді ұстануға келісті.
XS
SM
MD
LG